सासष्टी : मडगावमधील प्रभाग 14 मध्ये आज मलेरिया व डेंग्यूविरोधी उपाययोजना म्हणून फॉग फवारणी करण्यात आली. याप्रसंगी आरोग्य खात्याचे, नगरपालिकेचे कर्मचारी तसेच स्वतः या प्रभागमधील नगरसेविका डॉ. रोनिता आजगावकर उपस्थित होत्या.
मालभाट व पाजीफोंड येथे मलेरिया व डेंग्यूच्या रुग्णांत वाढ झाली आहे. पावसाला सुरवात झाल्यापासून या रोगांचे रुग्ण या परिसरात सापडले आहेत. मात्र, उपाययोजना व लोकांमध्ये जागृती करून रोगाच्या फैलावाला रोख लावण्यात यश मिळाले आहे, असे आरोग्य खात्याच्या अधिकाऱ्यांनी सांगितले. यो रोगाचे प्रमाण इतर भागात पसरू नये म्हणून उपाययोजना केली जात आहे, असेही त्यांनी सांगितले.
नगरसेविका डॉ. रोनिता आजगावकर यांनी आरोग्य खात्याचे आभार मानले. प्रभाग १५ मधील पीक अप स्टॅण्ड, सिने लता परिसर, गांधी मार्केट या भागात स्वच्छता मोहीम राबविण्यात येत आहे. जंतुनाशक फवारे तसेच फॉगिंगही केले जात असल्याची माहिती डॉ. आजगावकर यांनी दिली.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
