Goa Accident News
Goa Accident News Dainik Gomantak

Goa Accident News : कार अपघातात मावस भाऊ-बहीण ठार; मापा-पंचवाडी येथील घटना

अन्‍य पाचजण गंभीर जखमी

मापा-पंचवाडी येथे मुख्य रस्त्यावर कारची झाडाला जोरदार धडक बसून झालेल्‍या अपघातात दोघे ठार तर पाचजण जखमी झाले. मयत मावस भाऊ-बहीण आहेत. सिद्धम महादेव नाईक (11, रा. शिरोडा) व रेशम राजेंद्र नाईक (18, रा. रिवण) अशी मृतांची नावे आहेत. हा अपघात सोमवारी सकाळी पावणेअकराच्या सुमारास घडला.

मिळालेल्‍या माहितीनुसार, या अपघातात कारच्या पुढच्या सीटवर बसलेला महादेव नाईक यांचा मुलगा सिद्धम नाईक तर मागच्या सीटवर बसलेली रेशम नाईक ही दोघे गंभीर जखमी झाली. लागलीच त्‍यांना उपचारांसाठी दाखल करण्यात आले. पण डॉक्‍टरांनी मृत घोषित केले.

Goa Accident News
Shooting At Vasco: झुआरीनगर येथे मध्‍यरात्री थरार; चोरट्यांचा पोलिसांवर गोळीबार

इतर जखमींमध्ये‍ कारचालक महादेव नाईक (४८), पूर्वा महादेव नाईक (४७), सौम्या महादेव नाईक (७), राधिका राजेंद्र नाईक (५२) व रोहिणी नाईक (२२) यांचा समावेश आहे.

शिर्डीतून कालच परतले होते

दोनच दिवसांपूर्वी पाज-शिरोडा व रिवण येथील दोन्ही कुटुंबीय शिर्डी येथे श्री साईदर्शनाला गेले होते. काल रात्रीच ते शिरोडा येथे घरी परतले होते.

रात्री उशीर झाल्यामुळे सकाळी रिवण येथे मेहुणी व तिच्या मुलांना पोचवण्यासाठी तसेच एका लग्न समारंभाला उपस्थित राहण्यासाठी कारचालक महादेव नाईक हे कारने (जीए ०५ डी ८७१७) पत्नी, मुलगा आणि मुलगी यांच्यासमवेत निघाले होते.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Goa News on Dainik Gomantak
dainikgomantak.esakal.com