Cortalim Car Accident : कुठाळ्ळीत भरधाव कारची विजेच्या खांबाला धडक; तिघेजण जखमी

कुठाळ्ळी येथे भरधाव कारची विजेच्या खांबाला धडक बसल्याने भीषण अपघात झाला आहे. या अपघातात चालक जखमी झाला तर दुचाकीवरील तिघे गंभीर जखमी झाले. अपघातातील जखमींना उपचारासाठी गोमेकॉत दाखल करण्यात आले. अपघाताग्रस्त कारच्या चालकाला अग्निशमक दलाच्या जवानांनी बाहेर काढले.

याबाबत मिळालेल्या माहितीनुसार, एका भरधाव कारने एका दुचाकीवरील जोडप्याला व पाव विक्रेत्याला धडक दिली. त्यानंतर भरधाव कारची धडक वीजेच्या खांबाला बसली. ही धडक इतकी भीषण होती की कार वीजेच्या खांबाला धडकून उलट दिशेने घराच्या कंपाऊंडमधील आंब्याच्या झाडाला धडकली.

या अपघातात कारच्या प्रथमदर्शनी भागाचे नुकसान झाले. तर कारचालक गंभीर जखमी झाला. दुचाकीवरील जोडपे जखमी झाले असून यातील एकाचा पाय फ्रॅक्चर झाला. तर पाव विक्रेताही जखमी झाला. जखमींना अधिक उपचारासाठी गोमेकॉत दाखल करण्यात आले.