Goa Crime News: सासष्टीतील एका अल्पवयीन मुलीवर लैंगिक अत्याचार केल्याच्या आरोपावरून मायणा-कुडतरी पोलिसानी संशयिताला अटक केली आहे. अटक करण्यात आलेल्या या संशयिताचे नाव सॅल्डन फालेरो असे असून रविवारी मध्यरात्रीच्या सुमाराला त्याला अटक करण्यात आली आहे.
पोलिसांनी दिलेल्या माहितीनुसार, १३ जून २०२४ रोजी संशयिताने या अल्पवयीन मुलीला आपल्यासोबत नेले आणि तिच्यावर लैंगिक अत्याचार केल्यानंतर एका जागी सोडले. ही बाब पालकांना समजल्यानंतर मायणा-कुडतरी पोलिस स्थानकात याप्रकरणी तक्रार करण्यात आली.
या प्रकरणात तथ्य असल्याचे पाहून पोलिसांनी वरील संशयिताविरुद्ध भारतीय दंड संहितेच्या ३६३ (अपहरण करणे) ३७६ (१) (३), गोवा चिल्ड्रन्स ॲक्टच्या ८(२) आणि ‘पोक्सो’ कायद्याच्या ४ कलमाखाली गुन्हा नोंद करण्यात आला. वरील संशयिताला १६ जून २०२४ रोजी मध्यरात्रीच्या सुमाराला अटक करण्यात आली असून महिला उपनिरीक्षक वेरोनिका कुतिन्हो याप्रकरणी तपास करीत आहेत.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.