Goa Crime News: धक्कादायक! म्हापसात प्रेयसीवर प्राणघातक हल्ला; प्रियकर फरार

Mapusa Assault Case: गोव्यात गुन्हेगारीचे प्रमाण दिवसेंदिवस वाढतच चालले असून पोलीस प्रशासनासमोर या गुन्हेगारीला आळा घालण्याचे मोठे आव्हान बनले आहे. यातच, म्हापसामधून एक धक्कादायक घटना समोर आली आहे. जिथे एका प्रियकराने प्रेयसीवर प्राणघातक हल्ला केला.

म्हापसातील ग्रीन पार्क रोडवर ही घटना घडली. कोणत्यातरी गोष्टीवरुन एकमेकांशी बोलत असताना अचानक दोघांमध्ये वादाची ठिणगी पडली. स्थानिकांनी त्यांना वाद घातलाना पाहिले. त्यांच्यामधील वाद इतका वाढली की, प्रियकराने तिच्यावर हल्ला केला. त्याने तिच्या डोक्यावर स्पॅनरने हल्ला केला, ज्यामध्ये तिला गंभीर दुखापत झाली. पीडिता वास्को येथील रहिवासी असल्याचे सांगितले जात आहे.

दरम्यान, हल्ल्यानंतर तात्काळ पीडितेला म्हापसा येथील जिल्हा रुग्णालयात दाखल आले. दुसरीकडे, पोलिसांना या हल्ल्याविषयी कळताच त्यांनी तात्काळ घटनास्थळी पोहोचून तपास सुरु केला. हल्ल्यानंतर प्रियकर पळून गेला असल्याचे सांगितले जात आहे. सध्या त्याचा पोलिसांकडून तपास सुरु आहे. वारंवार समोर येत असलेल्या अशा घटनांमुळे राज्यात मुलींच्या सुरक्षेचा प्रश्न पुन्हा एकदा ऐरणीवर आला आहे.