सासष्टी: मायणा कुडतरी पंचायती क्षेत्रात सुरू असलेल्या गृहनिर्माण प्रकल्पाच्या विरोधात स्थानिकांनी सोमवारी निदर्शने केली व सभा घेऊन या प्रकल्पाचे काम बंद करण्याचा दबाव पंचायतीवर आणला.
स्थानिकांच्या विरोधाची दखल घेऊन सरपंच ज्योकीम इस्तेबेरो यांनी सचिवाला हे बांधकाम थांबविण्यासाठी संबंधितांना नोटीस पाठविण्याचा आदेश दिला.
यासंदर्भात सरपंच इस्तेबेरो यांनी सांगितले की, आम्ही बांधकाम बंद करण्याची नोटीस बिल्डरला, पोलिसांना व तक्रारदाराला पाठवणार आहोत. शिवाय उद्या या प्रकल्पाला दिलेले बांधकाम परवाना रद्द करावा, म्हणून पंचायतीतर्फे पत्र गट विकास अधिकारी, पंचायत संचालक, आरोग्य खाते, नगर नियोजन खात्याच्या संचालकांना देणार आहोत, असे सरपंच इस्तेबेरो यांनी सांगितले.
या प्रकल्पाला स्थानिकांचा विरोध आहे व या प्रकल्पामुळे स्थानिकांना आरोग्य, शेती व पर्यावरणीय धोका संभवतो, असे त्यांना कळवणार आहोत, असे सरपंच इस्तेबेरो यांनी सांगितले.
कॉंग्रेस नेते मोरेन रेबेलो यांनी सांगितले की, आम्ही पंचायतीला स्थानिकांची बैठक घेऊन या बांधकामासंदर्भात त्यांच्या विचार जाणून घेण्याची सूचना केली होती. मायणा कुडतरी पंचायत क्षेत्रातील बांधकाम ६० एफएआरपेक्षा जास्त असू नये, शिवाय हे बांधकाम तळ्याच्या २०० मीटर पेक्षा दूर नाही, हे आम्ही पंचायतीच्या निदर्शनास आणून दिले आहे. यापूर्वी अशा अनेक बेकायदेशीर बांधकामांमुळे या गावातील अनेक तळ्यांवर विपरीत परिणाम झालेले आहेत, असे त्यांनी सांगितले.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.