मडगाव: रेल्वे दुपदरीकरण प्रकल्पासाठी पाचपैकी दोन हरकतींवर मडगाव उपविभागीय दंडाधिकारी (एसडीएम) यांच्या कार्यालयात सुनावणी झाली असुन दोन्ही हरकती मंगळवारी फेटाळण्यात आल्या आहेत. (Madgaon SDM rejects objections on railway double track project)
गोंयंचो एकवोट (जीई) या संघटनेने दुहेरी ट्रॅकिंग प्रकल्प (Railway Double Track) आणि भूसंपादनाच्या कारवाईच्या विरोधात लढा देत स्थानिक आणि इतर नागरिकांकडून प्रकल्पाविरोधात सतत विरोध केला होता.
जीईचे वकील अ‍ॅडव्होकेट सियोला वास यांनी सांगितले की, दक्षिण पश्चिम रेल्वेच्या (SWR) दुहेरी ट्रॅकिंगसाठी भूसंपादनासाठी सुनावणी करण्यात आली असुन वेलसाओ येथील काही पिडीत रहिवाशांची सुनावणी पूर्ण झाली आहे. उपजिल्हाधिकाऱ्यांनी दिलेला निर्णय वडिलोपार्जित घर असलेल्या पिडीत जमीन मालकांच्या विरोधात होता.
काही तांत्रिक बाबी आहेत ज्या भूमापनासाठी नोटीस देण्यापूर्वी सर्वेक्षकांनी विचारात घेतल्या नाहीत. जीईचे नेते ओलेन्सिओ सिमोस यांनी पुढे आरोप केला की, गोवा (Goa) राज्यातील संपूर्ण प्रशासन आमच्या मूळ गावांमधून कोळशाची वाहतूक करण्यासाठी राज्याच्या सीमा ओलांडत आहेत. या बदल्यात त्यांच्या भांडवलदारांना राज्यासाठी कोणताही फायदा होत नसून फक्त दडपशाही करत आहेत.जीईने सांगीतले की जोपर्यंत सरकार जनतेचे ऐकत नाही तोपर्यंत ते तीन रेखीय प्रकल्पांविरुद्ध जनजागृती मोहीम अधिक तीव्र करतील.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
