Goa Monsoon Update : राज्यात होत असलेल्या मुसळधार पावसामुळे मडगाव येथील कोकण रेल्वे स्थानकावर असलेल्या प्लॅटफॉर्म क्रमांक ६ वरील गटारात पावसाचे पाणी तुंबले आहे. येथील गटारांचे योग्य नियोजन केले नसल्याने ही परिस्थिती येथे उद्‍भवल्याने प्रवाशांनी संताप व्यक्त केला आहे. प्रवाशांना येथे साचलेल्या पाण्यातूनच वाट काढत जावे लागत आहे. तसेच त्यांच्या आरोग्यालाही धोका उत्पन्न झाला आहे.
मडगाव कोकण रेल्वे स्थानकावर आत जाण्यासाठी ही आडवाट असली तरी अनेक प्रवाशी मुख्य पदपूल सोडून या वाटेने ये जा करीत असत. मागील काळी बंद असलेले फाटक प्लॅटफॉर्म क्र. ६ रेल्वे स्थानकावर सुरू असलेल्या कामामुळे अवजड (ट्रक ) वाहनांना मालाची ने आण करण्यासाठी खुले करण्यात आले आहे.
या प्लॅटफॉर्मवर वास्को ते कुळे दरम्यान प्रवास करणारी स्थानिक रेल्वे थांबा घेत असते. तसेच इतर प्लॅटफॉर्मवर पराज्यातील रेल्वेची गर्दी असल्यास आपत्कालीन गरजेच्या वेळी या प्लॅटफॉर्मचा वापर लांब पल्ल्याच्या रेल्वेना थांबा घेण्यासाठी करण्यात येत असतो.
या तुंबलेल्या पाण्यामुळे प्रवाशांच्या तसेच स्थानिक दुकानदार व स्थानिक रहिवाशी यांच्या आरोग्याला धोका उत्पन्न झाला आहे त्यामुळे रेल्वे अधिकाऱ्यांनी व येथील प्रशासनाने या प्रकरणाची तातडीने दाखल घ्यावी,अशी मागणी येथील रहिवाशी तसेच प्रवाशांनी केली आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.