मडगाव : देशातील काही चांगल्या रेल्वे स्थानकात समावेश होणाऱ्या मडगावच्या कोकण रेल्वे स्थानकाची सध्याची स्थिती ''नाव मोठे आणि लक्षण खोटे'' अशी झाली आहे. या स्थानकावर असलेल्या स्वच्छतागृहांची दुरवस्था झाली असून महिलांच्या स्वच्छतागृहाचे दारच ह मोडल्याने येथे येणाऱ्या प्रवासी महिलांची गैरसोय होत आहे.
मडगाव (Madgaon) रेल्वे स्थानकावर अन्य ठिकाणी असलेल्या शौचालयांच्या परिसरात मद्यपींनी आपला अड्डा बनविला आहे. त्यामुळे तेथे जाणे पर्यटकांसाठी (Tourist) दुरापास्त झाले आहे. मडगाव रेल्वे स्थानक पर्यटकांना उतरण्यासाठी गोव्यातील प्रमुख रेल्वे स्थानक आहे. या स्थानकावर रेल्वे आगमन, निर्गमनाच्या वेळी सतत पर्यटकांची वर्दळ असते.
बाहेरुन चकाचक वाटणाऱ्या या रेल्वे (Railway) स्थानकाची आतून अशी दुर्दशा झाली असल्याने नाराजी व्यक्त करण्यात येत आहे. अन्य ठिकणी असलेल्या स्वच्छतागृहांच्या ठिकाणी मद्यपींचा वावर असल्याने महिलांना तेथे जाण्यास भीती वाटते. या मद्यपींचा बंदोबस्त रेल्वे प्रशासनाने करावा, अशी मागणीही होत आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
