मडगाव : मडगाव येथील वादग्रस्त वस्ती असलेल्या आझाद नगरीत काल रात्री झालेल्या किरकोळ वादातून एका गुंडांच्या टोळीने हल्ला केला. यामध्ये मुक्तार बदनी या 25 वर्षीय युवकाचा खून झाला. या प्रकरणात मडगाव पोलिसांनी 5 जणांना ताब्यात घेतले आहे. या हल्ल्यात आणखी एक गंभीर जखमी झाला असून त्याच्यावर इस्पितळात उपचार चालू आहेत.
काल बदनी या युवकाचा वाढदिवस होता. त्याने त्यासाठी केक कापण्याच्या कार्यक्रम ठेवला होता. या परिसरात सुरेश गॅंग म्हणून कुप्रसिद्ध असलेल्या गँगचे युवक तिथे आले. त्यांनी कसला तरी वाद उरकून काढून नंतर हल्ला केला अशी माहिती स्थानिकांनी दिली.
या सुरेश गँगने यापूर्वीही या वस्तीत अशा प्रकारचे प्रकार केले आहेत. त्यांच्याविरुद्ध पोलीस तक्रार करूनही काही फायदा झाला नव्हता अशी माहिती स्थानिकांनी दिली.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
