Navelim Sarpanch : नावेली पंचायतीत मनमानी कारभार सुरू असून सरपंच पॉल परेरा पंचायतीच्या कामांत पंचांना विश्वासात घेत नसल्याचा आरोप सहा पंचाकडून करण्यात आला होता. त्यांनी 6 जून रोजी अविश्वास ठराव दाखल केलेला होता. त्यानंतर 15 जूनला झालेल्या विशेष बैठकीत सहा विरुद्ध शून्य असा ठराव संमत झाला.
दरम्यान रिक्त पदासाठी आज निवडणूक घेण्यात आली. या निवडणूकीत लुसिया कार्व्हालो या सरपंचपदी तर दामू चव्हाण हे पुन्हा उपसरपंचपदी विराजमान झाले.
6 जून रोजी उपसरपंच असलेल्या दामोदर चव्हाण यांच्यासह लुसिया कार्व्हालो, मिंगुल रोझारिओ कार्दाेज, टोनी मिंगुल गोन्साल्वीस, जस्मिथा परेरा, इनासिओ सांतान, कायतान फर्नांडिस या सहाजणांनी अविश्वास ठराव दाखल केला होता.
सरपंच पॉल परेरा पंचायतीच्या कामांत पंचांना विश्वासात घेत नाहीत तसेच नावेली पंचायतीत मनमानी कारभार सुरू असल्याचा आरोप त्यांनी केला होता. 15 जूनला सहा विरुद्ध शून्य असा ठराव संमत झाला.
आज झालेल्या निवडणूकीत सहा पंचांच्या पाठिंबाने लुसिया कार्व्हालो या सरपंचपदी तर दामू चव्हाण हे पुन्हा उपसरपंचपदी विराजमान झाले.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
