IMD on Monsoon in Goa: गोव्यात मॉन्सूनची गती कमकुवत झाली असून राज्यात बहुतांश ठिकाणी हलका ते मध्यम पाऊस पडला आहे. या हंगामात आतापर्यंत पावसाने 2.9 टक्के तूट दर्शवली आहे.
गोव्यात पुढील आठवड्यापर्यंत पाऊस कमी राहण्याची शक्यता आहे, असे भारतीय हवामानशास्त्र विभागाने (IMD) म्हटले आहे.
राज्यातील पावसाचे प्रमाण 16 ते 22 जून या काळात घटेल आणि त्यानंतर मात्र 23 जून ते 29 जून या कालावधीत जास्त पाऊस पडण्याची शक्यता IMD ने वर्तवली आहे.
या महिन्यात कमाल तापमान सामान्यपेक्षा जास्त राहू शकते. गुरुवारी गोव्यात कमाल तापमान 34 अंश सेल्सिअस नोंदले गेले, जे सामान्यपेक्षा 4.1 ने जास्त आहे. तथापि, पाऊस नसला तरी, समुद्राला मात्र उधाण आले आहे.
बिपरजॉयचा प्रभाव फक्त महाराष्ट्र, गुजरात आणि कराचीच्या किनारपट्टीवर होऊ शकतो. गोव्यावर या वादळाचा फारसा परिणाम झालेला नाही. इंडियन नॅशनल सेंटर फॉर ओशन इन्फॉर्मेशन सर्व्हिसेस (INCOIS) ने म्हटले आहे की, वेंगुर्ला ते वास्को दरम्यानच्या किनारपट्टीवर 3 मीटर ते 3.8 मीटर उंच लाटा उसळतील.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
