Carnival Festival : लोटली बिग फूटमध्ये कार्निव्हल उत्साहात

Carnival Festival :

सासष्टी, लोटली येथील बिगफूट या खुल्या संग्रहालयात कार्निव्हल मोठ्या उत्साहात साजरा करण्यात आला.

यावेळी फोंडा येथील एमईएफ प्राथमिक शाळा तसेच लोटली येथील सेेेवियर ऑफ द वर्ल्ड हायस्कूलच्या विद्यार्थ्यांनी भाग घेतला. कागदाचे पारंपरिक मास्क तयार करण्याच्या कार्यशाळेत हे विद्यार्थी सहभागी झाले.

आम्ही कुठल्याही उत्सवावेळी आमची पारंपरिक संस्कृती आणि वारसा जपतो. शिवाय भावी पिढीला गोमंतकीय संस्कृतीची माहिती देण्याचा आमचा पुरेपूर प्रयत्न असतो.

कुठल्याही उत्सवाचे आयोजन करताना पर्यावरणाचे जतन आणि संवर्धन व्हावे, या दृष्टिकोनातून करतो, असे ‘बिग फूट’चे संस्थापक महेंद्र आल्वारीस यांनी सांगितले.