मडगाव : दक्षिण गोवा न्यायालयात 115 कर्मचाऱ्यांची भरती होणार आहे. या 115 जागांसाठी हजारो तरुण तरुणी अर्ज भरण्यासाठी मडगावात दाखल झाले होते. त्यामुळे न्यायालयाच्या आवारात सकाळपासूनच लांबच लांब रांगा पाहायला मिळाल्या. ऊन पावसाच्या लपंडावात लांब रांगेत उभे राहिलेल्या तरुणांचे मात्र यामुळे चांगलेच हाल झाले.
दक्षिण गोवा न्यायालयातील रिक्त जागांसाठी उमेदवारी अर्ज देण्यासाठी हजारो युवा युवतींनी न्यायालयीन आवारात रांग लावली होती. दक्षिण गोवा प्रधान सत्र न्यायालयाने 15 दिवसांपूर्वी न्यायालयात कारकून आणि अन्य पदे भरण्यासाठी जाहिरात प्रसिद्ध केली होती. त्यासाठी अर्ज भरण्यासाठी आज अंतिम तारीख होती. आज सकाळपासून उमेदवारांची रांग कोर्टाच्या आवारात सुरू झाली होती. पावसाची पर्वा न करता हे युवक रांगेत उभे होते. दुपारपर्यंत ही गर्दी कमी झाली नव्हती.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
