कळंगुटमध्ये पेट्रोलपंपासाठी स्थानिक एकवटले

कळंगुट : पेट्रोलपंप नसल्याने मोठी गैरसोय होत असल्याचं सांगत कळंगुटवासियांनी पंपाची मागणी केली आहे. गावात पेट्रोल पंपच नसल्याने स्थानिकांना अन्यत्र पेट्रोल भरण्यासाठी जावं लागतं. साहजिकच त्यांना नाहक भुर्दंड पडतो. त्यामुळे आता स्थानिकांमधून पेट्रोल पंपाची मागणी जोर धरु लागली आहे. (Petrol Pump in Goa News Updates)

गावामध्ये पेट्रोल (Petrol) पंप नसल्याने कळंगुटवासियांना आपपासच्या परिसरात पेट्रोल भरण्यासाठी जावं लागतं. हणजुणे, पर्रा, नेरुल, साळगाव याठिकाणी जाऊन पेट्रोल भरताना कळंगुटवासियांची मोठी गैरसोय होते. कळंगुट (Calangute) पर्यटनाचं केंद्र असल्याने पर्यटकांनाही पेट्रोल पंपसाठी शोधाशोध करावी लागते. रविवारी झालेल्या ग्रामसभेत एकमताने पेट्रोलपंपाची मागणी करण्यात आली. त्यामुळे लवकरच कळंगुटवासियांची धावाधाव थांबण्याची शक्यता आहे.

दरम्यान गावात पंपासाठीचा मसूदा तयार होता. मात्र काही लोकांनी केवळ पैशांसाठी या पंपाला विरोध केल्याचा आरोप स्थानिकांनी केला आहे. राज्यातील (Goa) बहुतांश पंप हे शेतीच्या जमिनीवरच उभारलेले आहेत, मात्र कळंगुटमधील पेट्रोलपंपालाच विरोध का होतोय? केवळ विरोधाला विरोध न करता पेट्रोल पंप होण्यासाठी सर्वांनी सहकार्य करावे असे आवाहनही स्थानिकांनी केलं आहे. दरम्यान कळंगुटचे सरपंच शॉन मार्टिन्स यांनीही मालकाला आवश्यक त्या सर्व परवानग्या दिल्या असून पंपासाठी प्रयत्न सुरु असल्याचं म्हटलं आहे.