Goa Assault Case: धारबांदोड्यात प्राणघातक हल्ला करुन एकास लुटले, दोघांविरोधात गुन्हा नोंद

Goa Assault Case: स्थानिकांच्या हाताला जर हे हल्लेखोर लागले असते तर त्यांची धुलाई झाली असती, असेही एका स्थानिकाने सांगितले.
Goa Assault Case
Goa Assault CaseDainik Gomantak

Goa Assault Case

धावकोण धारबांदोडा येथील देवेंद्र गांवकर यांच्यावर बुधवारी पहाटे प्राणघातक हल्ला केला. हल्लेखोरांनी गळ्यातील सोनसाखळी, मोबाईल व वीस हजार रोख घेऊन घटनास्थळावरुन हल्लेखोरांनी पळ काढला.

आरडाओरड झाली तेव्हा हल्लेखोर तेथून पळून गेले. स्थानिकांनी जखमी झालेल्या देवेंद्र गांवकरला इस्पितळात दाखल केले.

तर देवेंद्र गांवकर याच्या हाताला जबर मार लागल्याने त्याच्यावर उपचार सुरू आहेत. या संदर्भात आज गुरुवारी कुळे पोलिसांत कांता बेतकेकर (कणकीरे - गुळेली) व महादेव गावडे ( नाणूस- उसगाव) यांच्या विरुद्ध केला गुन्हा केला असून हल्लेखोरांच्या शोधात कुळे पोलिस आहे.

देवेंद्र गांवकर यांनी दिलेल्या माहितीनुसार बुधवारी पहाटे दोन व्यक्ती त्याच्या धावकोण येथील घरात आले आणि देवेंद्र गांवकर यांच्यावर लाकडी दांड्याने मारहाण करण्यास सुरुवात केली त्यांनी बचावासाठी प्रयत्न केला पण त्याचा प्रयत्न असफल ठरला.

त्याच्या उजव्या व डाव्या हाताला आणि पायाला गंभीर इजा झाली आहे. त्याचा उजवा हात फॅक्चर झाला असून उद्या बांबोळी - येथील गोमेकॉ इस्पितळात हातावर शस्त्रक्रिया करण्यात येणार आहे. माझ्या गळ्यातील सरपळी, मोबाईल व वीस हजार रक्कम घेऊन हल्लेखोर गेले, अशीही माहिती देवेंद्र गांवकर यांनी दिली.

Goa Assault Case
Goa Crime News: पर्वरीत क्रिकेटवर ऑनलाईन सट्टा; गुजरातच्या तिघांना अटक, 10 लाखांचे साहित्य जप्त

हल्लेखोर ओळखीचे ?

देवेंद्र गांवकर यांच्यावर जो हल्ला झालेला आहे, तो पैशांच्या देवाणघेवाणीवरुन झाला असण्याची शक्यता आहे. हल्ला करणारे देवेंद्र यांच्या ओळखीचे असल्याचेही सूत्रांकडून समजले त्या दृष्टीकोणातूनही पोलिस तपास करीत आहेत.

हल्लेखोरांचा शोध सुरु

या संदर्भात कुळे पोलिस उपनिरीक्षक विभावरी गांवकर यांना विचारले असता त्यांनी सांगितले की, मारहाण झाल्याची तक्रार आली असून त्या दृष्टीने आमचा तपास चालू आहे. आम्हाला या हल्लेखोरांची माहिती व नावे समजली असून त्यांच्या शोधात आहोत.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Related Stories

No stories found.
Goa News on Dainik Gomantak
dainikgomantak.esakal.com