‘ना खाऊंगा... ना खाने दुंगा’ ही भाजपा सरकारची फक्त निवडणुक काळातील घोषणा आहे. त्या उलट गोव्यातील भाजपा सरकारचा कारभार चालतो. सध्या गोव्यातील ‘प्रोटेक्शन मनी’च्या नावाने खंडणीचे प्रकरण गाजत असून सत्ताधारी आमदारही आरोप करीत आहेत, अशी माहिती काँग्रेसचे सरचिटणीस विजय भिके यांनी दिली.
मूळात आरोप करणारे भाजपाचेच नेते असून खंडणी प्रकरणाच्या मूळाशी जाण्यासाठी क्राईम ब्रँचने आमदार मायकल लोबोंची चौकशी करावी.
लोबोंकडून संबंधित खंडणीबहाद्दरांची नावे घ्यावीत, अशी मागणी विजय भिके यांनी शनिवारी म्हापशात पत्रकार परिषदेतून केली. यावेळी उत्तर जिल्हाध्यक्ष विरेंद्र शिरोडकर व राजेंद्र कोरगांवकर हे हजर होते.
नेते वैफल्यग्रस्त! : प्रोटेक्शन मनीच्या नावाने किनारी भागांतील हॉटेलवाल्यांकडे खंडणी मागण्यात आली, असे आरोप खुद्द भाजपा आमदारानेच केलेत. या हॉटेलवाल्यांना बोलावून दरबार भरविण्यात आला व तिथे संबंधितांकडून खंडणी मागण्यात आली.
सध्या गोव्यातील भाजपा सरकार भ्रष्टाचाराने बरबटले असून काही नेत्यांना आपला वाटा थेट मिळत नसल्याने सर्वजण वैफल्यग्रस्त बनलेत. त्यामुळे ते एकमेकांना बोट दाखवत फिरत असल्याचा आरोप त्यांनी केला.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
