Margao News: गोमंत विद्या निकेतनचे प्रभुगावकर, जाण आणि पारकर यांना साहित्य पुरस्कार जाहीर

Margao News गोमंत विद्या निकेतनचे साहित्य आणि इतर पुरस्कार जाहीर करण्यात आले असून कमलाक्ष प्रभुगावकर यांच्या 'मातीला सुगंध फुलाचा' या कथा संग्रहाला, सुभाष जाण यांच्या 'शिंपण' तसेच महेश पारकर यांच्या 'विचारविश्व' या लघू निबंध संग्रहाना यंदाचे साहित्य पुरस्कार प्राप्त झाले आहेत.

25 मार्च रोजी संस्थेच्या दुसऱ्या मजल्यावरील सभागृहात होणाऱ्या कार्यक्रमांत कवी प्रकाश होळकर यांच्या हस्ते या पुरस्कारांचे वितरण केले जाणार आहे. हा कार्यक्रम सायंकाळी 5.30 वाजता होणार आहे. विद्या निकेतनचे अन्य पुरस्कारही जाहीर झाले असुन 26 मार्च रोजी सायंकाळी 5.30 वाजता होणाऱ्या कार्यक्रमात ते दिले जाणार आहेत.

यंदाचा केशव अनंत नायक स्मृती समाजसेवक पुरस्कार पर्यावरण चळवळीतील कार्यकर्ते अभिजित प्रभुदेसाई याना, काशिनाथ दामोदर नायक स्मृती सामजिक कृतज्ञता पुरस्कार विशेष मुलांची शाळा चालविणाऱ्या चेतना चेरीटेबल ट्रस्ट या संस्थेला, कविवर्य दामोदर अच्युत कारे स्मृती गोमंतदेेवी पुरस्कार कवी प्रकाश होळकर याना तर महिला उद्योजकांना देण्यात येणारा पिरूबाय दलाल स्मृती स्वयंसिद्धा पुरस्कार आघाडीच्या फेशन डिझायनर वर्मा डिमेलो याना देण्यात येणार आहे.