Goa Government: ‘दयानंद’साठी आधार लिंक करा!

Goa Government: राज्य सरकारच्या समाजकल्याण खात्यातर्फे राबविण्यात येत असलेल्या दयानंद सामाजिक सुरक्षा योजनेच्या भत्त्यासाठी आता लाभार्थीच्या बँक खात्याला आधारकार्ड जोडणी बंधनकारक असल्याचे बॅंक-आधार जोडणी बंधनकारक असल्याचे खात्याचे संचालक अजित पंचवाडकर यांनी परिपत्रकाद्वारे कळविले आहे.

केंद्र सरकारच्या आदेशानुसार बँक खात्यांना आधारकार्ड जोडणी बंधनकारक आहे. राज्यातील दयानंद सामाजिक सुरक्षा योजनेच्या लाभार्थ्यांचे बँक खाते असले तरी त्यांचे आधारकार्ड लिंक नसल्याचे आढळून आले आहे. तर काही लाभार्थींच्या बँक खात्याला आधार कार्ड लिंक केलेले आहेत. सरकारने आधार आधारीत फेड (देणे) पद्धत (एबीपीएस) स्वीकारलेली आहे.

आधार कार्ड बँक खात्याला जोडले गेले असेल तर व्यवहार सुरळीतपणे करता येणे शक्य होणार आहे. त्याशिवाय नव्याने जे अर्ज करणार आहेत, त्या अर्जदारांनाही स्वतःच्या बँक खात्यांना आधार कार्ड जोडलेले असावे. जुन्या लाभार्थ्यांनी 3 महिन्यांच्या कालावधीत ही जोडणी न केल्यास त्या योजनेचा लाभ बंद केला जाणार असल्याचे संचालकांनी परिपत्रकात म्हटले आहे.