‘उत्पल बाबत योग्य निर्णय घेऊ’

गोव्याच्या राजकारणात दिल्लीहून आलेल्या प्रमुख राजकीय पक्षांना मगो पक्षाच्या मुशीत तयार झालेल्या आमदारांनी मोठे केले. मगो पक्षात अनेक स्थित्यंतरे आली, कार्यकारिणी स्तरावर अनेक उलथापालथी घडल्या, पण मगोच्या सिंहाची डरकाळी कायम विधानसभेत घुमली आहे, असे माजी उपमुख्यमंत्री सुदिन ढवळीकर (Sudin Dhavalikar) यांनी सांगितले. नुकतेच गोव्यात विधानसभेचे मतदान पार पडले आहे. सत्तास्थापणेसाठी निवडणूक लढवणारे पक्ष दावा करत आहेत. या पार्श्वभूमीवर सुदिन ढवळीकर बोलत होते.

दरम्यान, यावेळेला अपक्ष उमेदवार महत्त्वाची भूमिका बजावू शकतात. अपक्षांचे समर्थन घ्यायचे झाले तर... या प्रश्‍नावर काही अपवाद सोडल्यास बऱ्याच ठिकाणी अपक्ष उमेदवार भाजपने (BJP) उभे केले आहेत, तर काही ठिकाणी अन्य राजकीय (Politics) पक्षांनी. त्यामुळे हे अपक्ष उमेदवार प्रामाणिक राहतील काय, हा आधी विचार करावा लागेल. पणजीत उत्पल पर्रीकर (Utpal Parrikar) यांना आमचे समर्थन आहे आणि उत्पल पर्रीकरांना पणजीकरांची (Panaji) साथ आहे, त्यामुळे उत्पल निश्‍चितच निवडून येतील आणि उत्पलबाबत मगो युती योग्य निर्णय घेईल, असे सुदिन ढवळीकर यांनी सांगितले.