Malpe Pernem: दरड कोसळणार नाही कशावरून? मालपे-पेडणे महामार्गाबाबत नागरिकांच्या मनात भीती कायम

Malpe Pernem NH66: राष्ट्रीय महामार्ग ६६ तयार करत असताना मालपे ते न्हयबाग पर्यंतचा एक बायपास रस्ता केला होता. हा रस्ता करत असताना या रस्त्याच्या बाजूला दरड होती.
Malpe Pernem NH66 landslide fear
Malpe Pernem NH66 HighwayDainik Gomantak
Published on
Updated on

मोरजी: मालपे पेडणे राष्ट्रीय महामार्ग ६६ बायपास रस्त्यावरील दरड आणि संरक्षक भिंतीला धोका नाही, असे लोकप्रतिनिधी, अभियंते म्हणतात. परंतु वाहन चालक, नागरिकांच्या मनात कायमची भीती आहे.

ही भीती दूर करण्यासाठी सार्वजनिक बांधकाम खात्याने संरक्षक भिंत आणि दरड कोसळणार नाही, यादृष्टीनेउपाययोजना करावी, अशी मागणी लेखी स्वरूपात मिशन फॉर लोकलचे राजन कोरगावकर यांनी पेडणे सार्वजनिक बांधकाम खाते रस्ता विभागाला निवेदन देताना केली आहे.

राष्ट्रीय महामार्ग ६६ तयार करत असताना मालपे ते न्हयबाग पर्यंतचा एक बायपास रस्ता केला होता. हा रस्ता करत असताना या रस्त्याच्या बाजूला जी दरड होती ती दरड मागच्या दोन वेळा पावसात कोसळल्याने हा रस्ता पूर्णपणे वाहतुकीस बंद होता.

Malpe Pernem NH66 landslide fear
Malpe Pernem: 15 दिवसांत 4 दुर्घटना! खड्डेमय रस्ता; धोकादायक मालपे-पेडणे मार्गाला दुरुस्तीची प्रतिक्षा

त्यानंतर कंत्राटदाराने संरक्षण भिंत उभारली. परंतु ही भिंत सुरक्षित आहे की नाही याबद्दल आता लोक संशय व्यक्त करत आहेत, त्याच अनुषंगाने मिशन फॉर लोकलचे राजन कोरगावकर यांनी बांधकाम खात्याला निवेदन देऊन या बांधकाम दुरुस्ती व उपाययोजना करण्याची मागणी केली.

Malpe Pernem NH66 landslide fear
Malpe Highway: 8 महिन्यांनी मालपे महामार्ग खुला! मुंबईहून गोव्याकडे येणारी वाहतूक जुन्या महामार्गाने सुरू

या रस्त्याविषयी स्थानिक आमदार प्रवीण आर्लेकर यांनी २८ मे रोजी या संरक्षण भिंतीची पाहणी केली. त्यावेळी उपजिल्हाधिकारी शिवप्रसाद नाईक उपस्थित होते.

मालपे-पेडणे राष्ट्रीय महामार्ग ६६ बायपासच्या भयानक दुरवस्थेकडे आपण लक्ष वेधत आहे, जिथे दृश्यमान भेगा आणि कमकुवत संरक्षक भिंत यामुळे प्रवाशांमध्ये आणि स्थानिक रहिवाशांत गंभीर चिंता निर्माण झाली आहे. पावसाळा असताना, दरड कोसळण्याची भीती वाढत आहे.

राजन कोरगावकर, मिशन फॉर लोकल

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Related Stories

No stories found.
Goa News on Dainik Gomantak
dainikgomantak.esakal.com