पणजी: कोकण रेल्वे मार्गावरील गाड्यांची सध्याची क्षमता 168 टक्के इतकी असून, प्रवाशांची वाढती मागणी आणि मर्यादित आसनक्षमता यामुळे रेल्वेमध्ये प्रचंड गर्दी होत आहे. यामुळे गाड्यांत डबे वाढवावेत, अशी मागणी कोकण विकास समितीची कोकण रेल्वे महामंडळाकडे केली आहे.
कोकण विकास समितीने (Konkan Development Committee) दिलेल्या निवेदनात म्हटले की, वर्षभर हीच परिस्थिती दिसून येत असल्याने प्रवाशांना अनेक अडचणींचा सामना करावा लागत आहे. या समस्येवर तात्काळ उपाय म्हणून विद्यमान गाड्यांमध्ये डबे वाढवण्याची गरज आहे.
दरम्यान, कोकण रेल्वे मार्गावर प्रवाशांची वाढती संख्या लक्षात घेता, नवीन गाड्या सुरु करण्याची मागणी होत आहे. मात्र, सध्या धावणाऱ्या गाड्यांमध्ये डबे वाढवणे हा सर्वोत्तम पर्याय आहे. यातून प्रवाशांना (Passenger) मोठा दिलासा मिळेल, असे समितीने म्हटले आहे. कोकण विकास समितीचे प्रस्ताव दिले आहेत. हे उपाय अंमलात आल्यास दररोज अंदाजे 3 हजार 691 अतिरिक्त आसनक्षमता (सुमारे 46 डबे) उपलब्ध होतील.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.