Konkan Railway: तिखाजन - मये येथे मगरीचे दोन तुकडे, रेल्वे अंगावरुन गेल्याने अपघात झाल्याची शक्यता

तिखाजन - मये येथे सुमारे दहा फूट लांब मगरीचे दोन तुकडे झाल्याची घटना उघडकीस आली आहे. रेल्वे अंगावरुन गेल्याने मगरीचे दोन तुकडे झाल्याची शक्यता वर्तवली जात आहे. शनिवारी (दि.२९ जून) पहाटेच्या सुमारास ही घटना उघडकीस आली.

मिळालेल्या माहितीनुसार, शनिवारी पहाटेच्या सुमारास तिखाजन - मये रेल्वे रुळांजवळ मगरीचे दोन तुकडे आढळून आले. वन विभागाच्या अधिकाऱ्यांना याबाबत माहिती दिली असता त्यांनी घटनास्थळी भेट देत मृत मगरीचे तुकडे ताब्यात घेतले आहेत.

मगरीचा मृत कशामुळे झाला याची अधिकृत माहिती अद्याप समोर आलेली नाही. मात्र, रात्रीच्या सुमारास रेल्वे अंगावरुन गेल्याने मगरीचे दोन तुकडे झाले असावेत अशी शक्यता वर्तवली जात आहे.