Konkan Railway News: आणखी काही ट्रेन्स रद्द, काहींच्या मार्गात बदल; पेडणे बोगद्यातील कामाची ताजी अपडेट

मंदूर- पेडणे येथील बोगद्यात चिखलमिश्रित पाणी साचल्याने रात्रीपासून कोकण रेल्वेची वाहतूक विस्कळीत झाली आहे. रुळावरील चिखल माती हटवून मार्ग सुरळीत करण्यात आला होता पण, पुन्हा एकदा त्या मार्गावर पाणी आल्याने तो वाहतुकीसाठी बंद करण्यात आला आहे.

अजूनपर्यंत हे काम सुरुच असल्याने अनेक ट्रेन्सच्या मार्गात बदल करण्यात आला असून, काही ट्रेन्स रद्द करण्यात आल्या आहेत.

कोकण रेल्वेच्या अधिकाऱ्यांनी दिलेल्या माहितीनुसार, पेडणे येथील बोगद्यातील चिखलमिश्रित माती हटविण्याचे काम सुरु असल्याचे व्यवस्थापकीय संचालक संतोष कुमार झा यांनी दिली आहे.

दोन ट्रेन्स रद्द

ट्रेन क्रमांक १६३४५- लोकमान्य टिळक तिरुवनंतपुरम पूर्णपणे रद्द करण्यात आलीय.

तसेच, ट्रेन क्रमांक १२६१९ लोकमान्य टिळक मंगळुरु सेंट्रल एक्सप्रेस देखील रद्द करण्यात आली आहे.

त्यापूर्वी कोकण रेल्वेने मडगाव - मुंबई (मांडवी एक्सप्रेस), मडगाव - सावंतवाडी लोकल, मडगाव - मुंबई (तेजस एक्सप्रेस), मडगाव - मुंबई (जनशताब्दी एक्सप्रेस) आणि सांवतवाडी रोड ते दिवा एक्सप्रेस रद्द केली.

मार्ग बदललेल्या ट्रेन्स

- श्री गंगानगर - कोचूवेली एक्सप्रेसच्या मार्गात बदल

- वास्को-द-गामा पटना जंक्शन एक्सप्रेसच्या मार्गात बदल

- तिरुवनंतपुरम लोकमान्य टिळक एक्सप्रेसच्या मार्गात बदल

- तिरुनेलवेल्ली - दादर एक्सप्रेसच्या मार्गात बदल

तर, मडगाव जंक्शन ते मुंबई कोकणकन्या एक्सप्रेस सांवतवाडी येथून धावेल असे कोकण रेल्वेने म्हटले आहे.