खांडोळा, आमच्या शालेय कारकिर्दीत आजच्यासारख्या सुविधा नव्हत्या तसेच पालकही सुशिक्षित नव्हते.
माझ्या बाबतीत बोलायचे झाल्यास हीच परिस्थिती होती. मी विज्ञान पदवीधर होईस्तोवर मला कुठलीही शैक्षणिक दिशा नव्हती परंतु पदव्युत्तर झाल्यानंतर एक ध्येय डोळ्यासमोर ठेवून कार्यरत राहीलो आणि परदेशी जाण्याची संधी मिळाली नंतर सगळे जीवन बदलून गेले. आजची मुले ही खूप हुषार आहेत मात त्यांना योग्य पालकत्वाच्या मार्गदर्शनाची गरज आहे, असे मत आंतरराष्ट्रीय ख्यातीचे खगोलशास्त्रज्ञ डॉ. विठ्ठल तिळवी यांनी व्यक्त केले.
खांडोळा तामसुली येथील श्री साईबाबा मंदिराच्या श्रीच्या मुतीॅ प्रतिष्ठापना सोहळ्या प्रसंगीं आयोजित खांडोळा पंचायत क्षेत्रातील गुणवंतांच्या गॏरव सोहळ्यात प्रमुख पाहुणे म्हणून तिळवी मंदिर सभागृहात बोलत होते.
याप्रसंगी व्यासपीठावर साईबाबा मंदिराचे अध्यक्ष प्रताप गांवकर, सदस्य अशोक नाईक आदी मान्यवर उपस्थित होते. मान्यवरांचे तुळशीदास सतरकर, गॏतम गांवस, सतीश गांवकर यांनी स्वागत केले. गॏरवमुर्तीच्यावतीने सनिशा संदेश नाईक गांवकर हिने मनोगत व्यक्त केले. कार्यक्रमाचे सूत्रसंचालन रामानंद तारी व आभार संदीप गांवकर यांनी मानले.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.