Science Day 2024 : केरी-पेडणे येथे विज्ञान दिन उत्साहात

Science Day 2024 :

हरमल, केरी-पेडणे येथील न्यू इंग्लिश विद्यालयात राष्ट्रीय विज्ञान दिन साजरा करण्यात आला. यानिमित्त गणित व विज्ञानविषयक प्रयोगांची प्रात्यक्षिके सादर करण्यात आली तसेच स्पर्धा घेण्यात आल्या.

या कार्यक्रमास प्रमुख पाहुणे म्हणून श्री भगवती हायस्कूलचे मुख्याध्यापक राघोबा कांबळी, विद्यालयाचे मुख्याध्यापक भावार्थ मांद्रेकर, वरिष्ठ शिक्षक सर्वेश कोरगावकर आणि सत्यवान हरजी उपस्थित होते.

विज्ञान दिनानिमित्त माध्यमिक व प्राथमिक विद्यालयातील विद्यार्थ्यांनी विज्ञानाचे विविध प्रयोग करून वैज्ञानिक गुणांचे सादरीकरण केले. यावेळी टाकाऊतून टिकाऊ तसेच कला दालनाचेही प्रदर्शन भरविण्यात आले होते. स्वागत गीताने कार्यक्रमाची सुरुवात झाली. भावार्थ मांद्रेकर यांनी प्रास्ताविक केले.