म्हापसा: दारुच्या नशेत वाहन चालविल्याप्रकरणी केरळचा नागरिक दोषी आढळला आहे. म्हापसा न्यायालयाने संबधित व्यक्तीला दहा हजार रुपयांचा दंड ठोठावला आहे. दंड न भरल्यास १० दिवसांची साधी कैद भोगावी लागणार आहे.
मिळालेल्या माहितीनुसार, केरळच्या वाहन चालकाला पोलिसांनी वाहन थांबवून चौकशी केली. यावेळी तो दारुच्या नशेत असल्याचे आढळून आले होते. संशयावरुन पोलिसांनी वाहन चालकाची मशीनच्या मदतीने तपासणी केली असता, त्याच्या रक्तात ११९.१ एमजी/ १०० मिली दारुचे प्रमाण आढळून आले होते.
तसेच, चालकाने वाहन चालवत असताना सीट बेल्ट देखील घातला नव्हता. पोलिसांनी याप्रकरणी चालकाविरोधात गुन्हा नोंद केला होता. मोटर वाहन कायदा १९८८ अंतर्गत कलम १८५ अंतर्गत त्याच्याविरोधात गुन्हा नोंद करुन प्रकरण न्यायालयात दाखल झाले.
सुनावणी दरम्यान, चालक दोषी आढळून आला असून, कोर्टाने चालकाला दहा हजार रुपयांचा दंड ठोठावला आहे. दंड न भरल्यास चालकाला दहा दिवसांच्या साध्या कैदेत ठेवले जाईल. दारु पिऊन वाहन चालवने कायद्याने गुन्हा आहे. दारुच्या नशेत वाहन न चालविण्याचे आवाहन सरकार आणि पोलिसांकडून केले जाते.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.