Goa Crime: कर्नाटकच्या तरुणांची गोव्यात मुजोरी; युवतीशी गैरवर्तन, दुचाकीला धडक, एक जखमी Watch Video

सत्तरी: युवतीशी गैरवर्तन केले, दुचाकीला धडक देऊन एकाला जखमी केल्याप्रकरणी कर्नाटकच्या चार तरुणांना अटक करण्यात आली आहे. संशयित चारजण घटनास्थळावरुन फरार होण्याच्या तयारीत असताना पर्ये येथील स्थानिकांनी त्यांना अडवून पोलिसांच्या ताब्यात दिले. या प्रकारानंतर परिसरात तणावाचे वातावरण निर्माण झाले होते.

समोर आलेल्या माहितीनुसार, कर्नाटकचे पर्यटक गोव्यात पर्यटनासाठी आले असता त्यांनी तरुणीशी गैरवर्तन केले. एवढेच नव्हे तर नियमांकडे दुर्लेक्ष करुन चारचाकी चालवत एका दुचाकी चालकाला धडक दिली, यात दुचाकी चालक गंभीर जखमी झाला आहे.

या सर्व प्रकारानंतर संशयित तरुणांनी घटनास्थळावरुन पळ काढण्याचा प्रयत्न केला. यावेळी स्थानिकांनी त्यांना अडवून जाब विचारला.

स्थानिकांनी संशयितांना अडवून घडलेल्या प्रकराची पोलिसांना माहिती दिली. पोलिसांनी घटनास्थळी दाखल होत संशयितांना अटक केली, याप्रकरणी गुन्हा दाखल करुन पुढील तपास केला जात आहे.

यावेळी अपघातात जखमी झालेल्या व्यक्तीला उपचारासाठी रुग्णालयात दाखल करण्यात आले आहे, अशी माहिती स्थानिकांनी दिली आहे.