Goa Crime: पर्रा हत्याकांडात मजुराच्या निर्घृण हत्येप्रकरणी पिता-पुत्र अटकेत!

पर्रा: मंगळवारी (दि.७) रात्री उशिरा पर्रा येथील एका बांधकाम साईटवर मजुराची निर्घृण हत्या झाल्याची धक्कादायक घटना उघडकीस आली आहे. मिळालेल्या माहितीनुसार, बांधकाम साईटशेजारील एका लहान खोलीत तीन मजूर एकत्र राहत होते. मंगळवारी रात्री याच खोलीत दोघांनी तिसऱ्या मजुरावर तीक्ष्ण हत्याराने हल्ला केला. या हल्ल्यात मृत मजुराच्या डोक्यावर, मानेवर आणि पोटावर गंभीर वार करण्यात आले. एवढेच नाही, तर आरोपींनी त्याच्या गुप्तांगाचीही विटंबना केली असल्याचे समोर आले आहे. या भीषण घटनेनंतर दोन्ही आरोपी घटनास्थळावरून फरार झाले होते, मात्र आता ओडिशा येथील रहिवासी असलेल्या सत्या नबरंगपुरा (५०) आणि थबीर नबरंगपुरा (३१) या पिता-पुत्रांना पोलिसांननी ताब्यात घेतले आहे.