मोले: मोले-नंद्रण राष्ट्रीय महामार्गावर एक भीषण अपघात घडला आहे. बंद पडलेल्या ट्रकला दुचाकीनं जोरदार धडक दिल्यानं दोघा तरुणांचा मृत्यू झाल्याची घटना घडलीय. दोन्ही तरूण कर्नाटकमधील असल्याची माहिती आहे.
मोले-नंद्रण राष्ट्रीय महामार्गावर एक मालवाहू ट्रक बंद पडल्याने रस्त्यावर उभा होता. त्याचवेळी भरधाव वेगाने आलेल्या दुचाकीने या ट्रकला जोरदार धडक दिली. धडकेची तीव्रता एवढी होती की दुचाकीवरील दोघांनाही गंभीर दुखापत होऊन त्यांचा मृत्यू झाला.
राजेश देसाई (वय- २५, रा.जोईडा, कर्नाटक), निखिल मडिवळ (वय- २४, रा. हलियाळ, उत्तर कर्नाटक) अशी मृतांची नावं आहेत.
अपघातानंतर राजेश देसाईचा जागीच मृत्यू झाला. तर दुचाकीवर त्यांच्या मागे बसलेला त्याचा सहकारी निखिल यालाही गंभीर दुखापत झाली. त्याला तातडीने धारबांदोडा येथील प्राथमिक आरोग्य केंद्रात नेण्यात आले, मात्र डॉक्टरांनी त्याला मृत घोषित केले.
मोले पोलिसांनी या अपघाताचा तपास सुरू केला आहे. या अपघातामुळे परिसरात हळहळ व्यक्त केली जात आहे.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.