गोवा-कर्नाटक सीमेवरील अनमोड तपासणी नाक्यावर कर्नाटक उत्पादन शुल्क (एक्साईज) विभागाने मोठी कारवाई करत १६७ लिटर (सुमारे ९२५ बाटल्या) बेकायदेशीर दारू जप्त केली. ही दारू अत्यंत चलाखीने काँक्रीट पंप मशीनच्या आत लपवून नेण्यात येत होती.
मिळालेल्या माहितीनुसार, संशयास्पद हालचाली दिसल्यानंतर अधिकाऱ्यांनी संबंधित वाहनाची तपासणी केली. सुरुवातीला वाहनात कोणतीही संशयास्पद वस्तू दिसत नव्हती. मात्र, सखोल तपासणीदरम्यान काँक्रीट पंप मशीनच्या आतील भागात विशेष पद्धतीने दारूच्या बाटल्या लपवून ठेवण्यात आल्याचे उघड झाले. अधिकाऱ्यांनी तत्काळ कारवाई करत संपूर्ण माल जप्त केला.
या प्रकरणी गुजरात येथील चालकाला अटक करण्यात आली असून त्याची सखोल चौकशी सुरू आहे. या तस्करीमागे आणखी कोणते जाळे कार्यरत आहे का, याचा तपासही सुरू करण्यात आला आहे.
जप्त केलेल्या मालामध्ये दारूच्या बाटल्यांसह संबंधित वाहन आणि काँक्रीट पंप मशीनचा समावेश आहे. या कारवाईमुळे सीमाभागात बेकायदेशीर दारू वाहतुकीवर मोठा आळा बसण्याची शक्यता व्यक्त केली जात आहे.
कर्नाटक उत्पादन शुल्क विभागाने अशा प्रकारच्या कारवाया पुढेही सुरू ठेवण्याचा इशारा दिला असून, सीमावर्ती भागात तपासणी अधिक कडक करण्यात येणार असल्याचे सांगितले आहे.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
