Kargil Vijay Diwas : वाळपईत माजी सैनिक संघटनेतर्फे कारगिल विजयी दिवस साजरा

सपना सामंत

वाळपई : गोव्यात अनेक ठिकाणी कारगील विजय दिवस मोठ्या उत्साहात साजरा केला जात आहे. वाळपईमध्येही कारगील विजय दिवस मोठ्या आनंदात साजरा करण्यात आला. वाळपई येथील शहीद स्तंभ येथे देशासाठी शहीद झालेल्या जवानांना आदरांजली वाहून माजी सैनिक संघटनेतर्फे कारगील विजयी दिवस साजरा करण्यात आला.

यावेळी कारगील युद्धाच्या आठवणींना उजाळा देण्यात आला. कारगील विजयी दिवस साजरा करण्यासाठी वाळपईतील सरकारी माध्यमिक विद्यालयातील विद्यार्थीवर्ग तसेच शिक्षकांची उपस्थिती होती. मान्यवरांच्या हस्ते शहीद जवानांना पुष्प अर्पण करण्यात आले.

या कारगील विजय दिवस कार्यक्रमासाठी माजी सैनिक संघटनेचे सागर सावंत, चंदन ठाकूर, दामोदर गावकर, प्रमोद गावकर, गौरेश गावस, सुरेश कुमार, गिरीष गावस, अमर माजीक, संदीप गावस, सिद्धेश गडेकर, आदी पदाधिकारी, तर प्रमुख पाहुणे म्हणून डॉ. अशोक आमशेकर, सत्तरी अर्बन कॉ. सोसायटीचे व्यवस्थापकीय संचालक लक्ष्मण गावस तसेच अन्य नागरिक मोठ्या संख्येने उपस्थित होते.