दारू पिऊन वाहन चालवण्याचा प्रकार कदंब चालकाबाबत घडला होता. याप्रकरणी चालकावर कारवाई व्हावी, अशी मागणी करण्यात आली होती. तर सदर चालकाला निलंबित करण्यात आले असून त्याचा परवानाही रद्द केल्याची माहिती मुख्यमंत्री प्रमोद सावंत यांनी दिली आहे.
जुने गोवा पोलिसांनी काल (गुरुवारी) कदंब ट्रान्सपोर्ट कॉर्पोरेशनच्या बस चालकावर दारू पिऊन वाहन चालविल्याप्रकरणी गुन्हा दाखल केला होता. पोलिसांनी दिलेल्या माहितीनुसार, जुने गोवा येथील आरोपी एल्विस रॉड्रिग्स (49) याने कामाच्या वेळी वाहन चालवताना मद्यप्राशन केले होते. यामुळे प्रवाशांना जीव धोक्यात आणला असल्याचा आरोप त्याच्यावर करण्यात येत आहे.
काल संध्याकाळी 7.30 च्या सुमारास ही घटना घडली. जेव्हा प्रवाशांनी आरोप केला की चालक दारूच्या नशेत वाहन चालवत होता तेव्हा बस थांबवण्यात आली.
त्यानंतर याप्रकरणी ओल्ड गोवा पोलिस ठाण्यात आयपीसी कलम 279 आणि मोटार वाहन कायद्याच्या 185 अन्वये चालकावर गुन्हा दाखल करण्यात आला होता. तर आज (शुक्रवार) मुख्यमंत्र्यांनी त्याला निलंबित केले आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.