International Year Of Millets: आंतरराष्ट्रीय बाजरी वर्षानिमित्त वाळपई आरोग्य संचालनालयातर्फे सायकल रॅली

International Year Of Millets 2023

यंदाचे वर्ष म्हणजेच 2023 हे आंतरराष्ट्रीय बाजरी वर्ष म्हणून साजरे केले जात आहे. या पार्श्वभूमीवर देशात संपूर्ण वर्षभर विविध कार्यक्रम राबवण्यात येत आहेत. यानिमित्त वाळपई आरोग्य संचालनालयातर्फे सामुदायिक आरोग्य केंद्र ते नगरगाव पंचायतपर्यंत सायकल रॅली काढण्यात आली.

यावेळी वाळपई आरोग्य केंद्राचे आरोग्य अधिकारी डाॅ. विकास नाईक, वाळपई नगराध्यक्ष शेहजीन शेख, नगरगाव सरपंच संध्या खाडीलकर, वाळपई विभागीय कृषी अधिकारी विश्वनाथ गावस, आरोग्य संचालनालयाचे रावजी पालवी, अकीब शेख, डाॅ. वैभव गाडगीळ, डाॅ. जल्मी आदींची उपस्थिती होती.

सुरुवातीला वाळपई आरोग्य केंद्राकडे नगराध्यक्ष शेहजीन शेख व आरोग्याधिकारी डाॅ. विकास नाईक यांच्या हस्ते झेंडा फडकावून रॅलीची सुरुवात करण्यात आली. वाळपई येथून निघालेल्या रॅलीची सांगता नगरगाव पंचायत परिसरात झाली. यावेळी रॅलीला चांगला प्रतिसाद लाभला.

रॅलीत सहभागी झालेल्यांना मान्यवरांच्या हस्ते प्रशस्तीपत्र देण्यात आले. यावेळी डाॅ. विकास नाईक, शेहजीन शेख, विश्वनाथ गावस, संध्या खाडीलकर यांनी आंतरराष्ट्रीय बाजरी वर्षाचे महत्व सांगितले.