लोकसभा निवडणुकीच्या पार्श्वभूमीवर गोवा-कर्नाटक यांच्या दरम्यान केरी व पर्ये येथील चेकनाक्यावर अबकारी व पोलिस खात्याकडून वाहनांची तपासणी सुरू केलेली आहे. गोव्यातून कर्नाटक व कर्नाटकमधून गोव्यामध्ये बेकायदेशीररीत्या दारूची वाहतूक होऊ नये यासाठी ही खबरदारी घेण्यात आलेली आहे.
अशा प्रकारची वाहने आढळल्यास त्यांच्यावर कडक कारवाई करण्यात येणार आहे. गेल्या आठ दिवसांपासून या तपासणीला सुरवात झाली असून लोकसभा निवडणूक होईपर्यंत ही प्रक्रिया सुरू राहणार असल्याचे अधिकाऱ्यांनी माहिती दिली आहे. अबकारी खात्याच्या वाळपई विभागातर्फे २४ तास या वाहनांची तपासणी करण्यात येत आहे.
अल्कोहोल तपासणीही केली जाते
मालवाहू वाहनांच्या तपासणीबरोबर चारचाकी व दुचाकीचालकांची अल्कोहोल तपासणी केली जाते आहे. केरी चेकनाक्यावर एकूण ४९ वाहनांची तपासणी केली आहे तर १३९ जणांची वैयक्तिक तपासणी केली आहे. त्याचबरोबर पर्ये चेकनाक्यावर १७ वाहनांची तर वैयक्तिक ३४ जणांची तपासणी केली आहे. ही कारवाई तसेच तपासणी लोकसभा निवडणूक होईपर्यंत केली जाणार आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
