डिचोली: विविध कार्यक्रमांनिशी डिचोलीत(Bicholim) भारताचा (India) अमृत महोत्सवी स्वातंत्र्यदिन (Independence Day) उत्साहात साजरा करण्यात आला. येथील शासकीय पातळीवरील कार्यक्रमास प्रमुख पाहूणे म्हणून मयेचे आमदार प्रवीण झांट्ये हे उपस्थित होते. त्यांनी ध्वजारोहण केल्यानंतर पोलिस आणि अग्निशमन दलाच्या जवानांकडून मानवंदना स्वीकारली. येथील शासकीय इमारत संकुलाजवळ आयोजित कार्य क्रमास उपजिल्हाधिकारी दीपक वायंगणकर, मामलेदार प्रवीणजय पंडित, संयुक्त मामलेदार श्रीपाद माजिक आणि गटविकास अधिकारी श्रीकांत पेडणेकर उपस्थित होते. यावेळी आमदार श्री. झांट्ये यांनी आपले विचार मांडले.
विविध खात्यांचा सन्मान या सोहळ्यात युवा गोमंतक दलातर्फे
प्रवीणजय पंडित (मामलेदार), श्रीपाद गावस (अग्निशमन दल अधिकारी), प्रसाद पाळणी (पोलिस दल)., पुतुलो गाड (वाहतूक पोलिस) आणि आरोग्य खाते यांचा सन्मान करण्यात आला. गेल्या महिन्यात आलेल्या पूर काळात उल्लेखनीय कामगिरी केलेल्या
आनंद नारुलकर, प्रमेय सुर्लकर आणि सिध्देश चोपडेकर या तलाठ्यांचा मामलेदार कार्यालयातर्फे सत्कार करण्यात आला. आशा गाड यांनी देशभक्तीपर गीत सादर केले. महादेव परब दत्तात्रय परब यांनी सूत्रसंचालन केले.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
