Goa Corona Update: राज्यात कोरोना रूग्णसंख्येत वाढ; सक्रीय कोरोनारूग्णांची संख्या 713 वर

कोरोना तपासण्यांची संख्या जसजशी वाढेल तसतशी नवीन कोरोना रूग्णसंख्येत वाढ पाहायला मिळत आहे. गेल्या 24 तासात गोव्यात एकूण 65 नवे कोरोना रूग्ण आढळून आले. या नव्या रूग्णांमुळे राज्यातील सक्रीय म्हणजे उपचार घेत असलेल्या कोरोना रूग्णांच्या संख्येचा आकडा 713 वर पोहचला आहे.

गेल्या 24 तासांत राज्यात आढळलेल्या 65 नवीन कोरोना रूग्णांपैकी 3 रूग्णांना रूग्णालयात दाखल केले आहे तर उर्वरीत 62 बाधितांना होम आयसोलेशनमध्ये ठेवण्यात आले आहे. गेल्या 24 तासांमध्ये एकूण 32 रूग्ण कोरोनामुक्त झाले तर एकूण 397 चाचण्या करण्यात आल्या. राज्यात कोरोनामुक्तीचा दर 98.18 टक्के इतका आहे.

गेल्या 24 तासात कोरोनामुळे एक मृत्यू झालेला नाही. राज्यात आत्तापर्यंत कोरोनामुळे 4014 मृत्यू झाले आहेत. राज्यात एकूण 21 लाख 64 हजार 193 चाचण्या झाल्या आहेत. तर एकूण 2 लाख 60 हजार 234 कोरोनारूग्ण आढळून आले होते. त्यापैकी 2 लाख 55 हजार 507 रूग्ण बरे झाले आहेत.