गोव्यात 14 फेब्रुवारी 2022 रोजी होणाऱ्या विधानसभा निवडणुकीसाठी सरकारी यंत्रणेला गृह विभागातर्फे सतर्क राहण्याचे आदेश जारी करण्यात आले आहे. राज्यातील अतिसंवेदनशील मतदार संघातील परिसरात केंद्रीय राखीव दलातर्फे ध्वज मार्च करण्यात आले.
मुरगाव तालुक्यातील चारही मतदारसंघात राज्य गृहविभागातर्फे अतिसंवेदनशील मतदार संघात पोलीस यंत्रणेत वाढ करण्यात आली आहे.
मुरगाव (Mormugao) तालुक्यातील वास्को मतदारसंघातील खारीवाडा भागात शनिवारी निवडणुकीत नियुक्त केलेल्या निरीक्षक डॉ. अर्चना शिवहरी यांनी वास्को पोलिसांबरोबर केंद्रीय राखीव दलाच्या उपस्थितीत ध्वज मार्च करून परिसराची पाहणी केली. यावेळी त्यांच्या समवेत वास्को पोलीस निरीक्षक नितीन हळर्णकर, पोलीस (police) निरीक्षक शारीफ जाकिस उपस्थित होते.
विधानसभा निवडणूक (Assembly Election) 14 फेब्रुवारी रोजी शांततेत पार पाडावी म्हणून राज्य निवडणूक आयोग व गृह विभागातर्फे विविध परिसरात ध्वज मार्च करण्यात येत असल्याची माहिती पोलीस निरीक्षक नितीन हळर्णकर यांनी दिली. मुरगाव वास्को मतदार संघात पुरुष व महिला केंद्रीय राखीव दलाची तुकडी तैनात करण्यात आली असून त्यांच्यामार्फत दररोज विविध भागात ध्वज मार्च करण्यात येईल अशी माहिती पोलीस निरीक्षक हळर्णकर यांनी दिली.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
