Goa CBI Raid: पणजीत लाच घेताना आयकर विभागाच्या अधिकाऱ्याला CBI नं रंगेहात पकडलं

CBI Raid Goa

पणजी: केंद्रीय अन्वेषण विभागाच्या (सीबीआय) अधिकाऱ्यांनी गोव्यातील पणजीत लाच घेणाऱ्या आयकर विभागाच्या अधिकाऱ्याला रंगेहात पकडले. सीबीआयच्या अधिकाऱ्यांनी पाटो, पणजी येथे आज (गुरुवारी, १४ नोव्हेंबर) ही कारवाई केली.

केंद्रीय अन्वेषण विभागाच्या अधिकाऱ्यांनी पणजीतील पाटो येथे एका संशयित काळ्या रंगाच्या कारची तपासणी केली. आयकर विभागात कामाला असणाऱ्या अतुल वाणी या लेखा अधिकाऱ्याला लाच घेताना रंगेहात पकडले.

सीबीआयने वाणी यांना ताब्यात घेतले असून, अधिक चौकशी केली जात असल्याची माहिती समोर आली आहे.

सीबीआयने अतुल वाणी या लेखा विभागातील अधिकाऱ्याच्या कक्षात छापेमारी सुरु ठेवल्याची माहिती समोर आली आहे. एका कंपनीचे बिल थकवून लाच घेण्याच्या प्रयत्नात वाणी होते, अशी प्राथमिक माहिती समोर आली असून, अधिक तपास सुरु आहे.