आगामी लोकसभा निवडणुकीच्या पार्श्वभूमीवर विविध सरकारी यंत्रणा सतर्क झाल्या आहेत. राज्यातील विविध तपासणी नाक्यावर पोलिसांकडून नाकाबंदी केली जातेय, तर प्रशासकीय स्तरावर नियंत्रण कक्ष स्थापन करण्यात आले आहेत.
निवडणुकीच्या पार्श्वभूमीवर विविध गैरप्रकार होण्याची शक्यता असते. यामध्ये बेकायदेशीरपणे पैसे किंवा भेटवस्तू वाटप केले जाते. याला रोखण्यासाठी गोव्यात आयकर विभागाने नियंत्रण कक्ष स्थापन केला आहे.
आयकर विभागाने पणजीत नियंत्रण कक्ष स्थापन केल्याची माहिती प्रसिद्ध केली आहे. पणजी-गोवा येथे आयकर विभागाने लोकसभा निवडणूक २०२४ कार्यक्रम समाप्त होईपर्यंत नियंत्रण कक्ष कार्यरत केल्याचे म्हटले आहे.
पैसे वाटप, भेटवस्तू वितरण यासारख्या गोष्टींबाबत आयकर विभागाकडे तात्काळ तक्रार करावी असे आवाहन करण्यात आले आहे. माहिती देणाऱ्या व्यक्तीची ओळख गुप्त ठेवली जाईल, असेही विभागाने सार्वजनिक केलेल्या प्रसिद्धी पत्रकात म्हटले आहे.
तक्रार करण्यासाठी आयकर विभागाने टोल फ्री क्रमांक आणि ई-मेल प्रसिद्ध केला आहे.
टोल फ्री क्रमांक - 1800-233-3941
लँडलाईन क्रमांक - 0832-2438447
ई-मेल - goaelections@incometax.gov.in
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.