वाळपई, आरोग्याच्या बाबतीत प्रत्येकाने काळजी घेणे गरजेचे आहे. खास करून महिलावर्गाने आरोग्याबाबत अधिक जागृत असणे आवश्‍यक आहे.
मासिक पाळीत वापरण्यात येणारे सॅनिटरी पॅडची विल्हेवाट कशी लावावी याबाबत महिलावर्ग चिंतेत असतो. याचा विचार करून केरी जिल्हा पंचायत सदस्य देवयानी गावस यांनी जिल्हा पंचायत निधीतून ठाणे येथील स्व. हीरोजीराव बाबूराव देसाई मेमोरिअल सरकारी माध्यमिक विद्यालयाला सॅनिटरी पॅड डिस्पोजल मशिन प्रदान केले आहे.
यावेळी देवयांनी गावस म्हणाल्या, ठाणे विद्यालयात सॅनिटरी पॅड डिस्पोजल मशिन प्रदान करताना खूप आनंद होत आहे. या मशिनमुळे चांगली सोय होणार आहे. यावेळी ठाणे सरपंच नीलेश परवार यांनी आपले विचार मांडले.
यावेळी मुख्याध्यापक काशिनाथ नाईक, पंच सुरेश आयकर, सचिव सर्वेश गावकर व इतरांची उपस्थिती होती.
मुख्याध्यापक काशिनाथ नाईक यांनी आभार मानले.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.