Goa Assembly: छत्रपती शिवाजी आणि संभाजी महाराजांचा इतिहास गोव्यातील शालेय पुस्तकात समाविष्ट करा; वास्कोच्या आमदाराची मागणी

Goa Assembly Budget Session: छत्रपती शिवाजी महाराज आणि संभाजी महाराजांचे शौर्य आणि पराक्रमाचा इतिहासाच्या पुस्तकात समावेश करण्याची मागणी साळकरांनी केली.
Goa Assembly Budget Session 2025
Goa CM Pramod Sawant And MLA Krishna Daji SalkarDainik Gomantak
Published on
Updated on

पर्वरी: छत्रपती शिवाजी महाराज आणि संभाजी महाराज यांचा इतिहास गोव्यातील शालेय पुस्तकात समाविष्ट करा, अशी मागणी वास्कोचे आमदार कृष्णा दाजी साळकर यांनी केली. अर्थसंकल्पीय अधिवेशनाच्या दुसऱ्या दुवशी शून्य प्रहरात बोलताना आमदार साळकर यांनी ही मागणी केली.

गोव्यातील शालेय पाठ्य पुस्तकात छत्रपती शिवाजी महाराज आणि संभाजी महाराज यांचा इतिहास समाविष्ट करावा, अशी मागणी आमदार साळकर यांनी केली. आमच्यावर अत्याचार करणाऱ्याच्यावर वीस पाने इतिहासात देण्यात आली आहेत. पण, स्वराज्यासाठी झगडणाऱ्यांबाबत केवळ तीन पाने देण्यात आली आहेत. याबाबत सरकारने गांभीर्याने विचार करुन प्रामुख्याने शिवाजी आणि संभाजी महाराजांचा इतिहास समाविष्ट करावा, असे साळकर म्हणाले.

Goa Assembly Budget Session 2025
Calangute Murder Case: 'लव्ह ट्रँगल'मधून कळंगुटमध्ये भावनाची हत्या; नातेवाईक मुलीने प्रियकाराच्या सोबतीने काढला काटा

गोव्यातील शालेय पाठ्य पुस्तकात देण्यात आलेला इतिहास एकतर्फी असून, त्यात स्वराज्यासाठी लढणाऱ्या शूरविरांचा देखील समावेश करण्यात यावा. आहिल्याबाई होळकर, राणी लक्ष्मीबाई, महाराणा प्रताप यासह मराठ्यांचा इतिहास मुलांना शिकवला जावा, असे साळकर म्हणाले. छत्रपती शिवाजी महाराज आणि संभाजी महाराजांचे शौर्य आणि पराक्रमाचा इतिहासाच्या पुस्तकात समावेश करण्याची मागणी साळकरांनी केली.

Goa Assembly Budget Session 2025
Konkani Drama: कोकणी नाट्यस्पर्धेची 49 वर्षे! सेन्सॉर समितीची गरज, संहितेची निवड; काय सुधारणा आहेत अपेक्षित, वाचा..

दरम्यान, याबाबत बोलताना मुख्यमंत्री तथा शिक्षणमंत्री प्रमोद सावंत यांनी नव्याने आलेल्या नववीच्या पुस्तकात याचा समावेश केल्याचे सांगितले. येत्या दोन दिवसांत ही पुस्तके प्रकाशित होणार असल्याचे सावंत यांनी सांगितले. विजय सरदेसाईंनी मात्र संधी साधत तो इतिहास इतिहासकारांनी भरावा, अशी टीपण्णी केली. यावर मी नाही इतिहासकारांनीच पाठ्य पुस्तकातील इतिहास लिहल्याचे सांवत म्हणाले.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Related Stories

No stories found.
Goa News on Dainik Gomantak
dainikgomantak.esakal.com