Goa News: राज्याला स्वच्छ ऊर्जेसाठी जागतिक बॅंकेची मदत

Goa News: राज्यात स्वच्छ आणि हरित ऊर्जेचा वापर वाढावा, यासाठी जागतिक बँकेने पतपुरवठा करण्याची तयारी दर्शवली आहे. जागतिक बँकेने राज्य सरकारशी केलेल्या पत्र व्यवहारातून ही माहिती देण्यात आली आहे.

राज्य सरकारची गोवा ऊर्जा विकास यंत्रणा ही संस्था आता जागतिक बँकेची या संदर्भात पुढील वाटाघाटी करणार आहे

सरकारी सूत्रांनी दिलेल्या माहितीनुसार जागतिक बँकेने या संदर्भातील लेखी प्रस्ताव पाठवलेला आहे. यातून त्यांनी दहा कोटी अमेरिकेत डॉलर्स इतकी मदत गोव्यासाठी वेगवेगळ्या स्वरूपात केली जाऊ शकते असे म्हटले आहे.

यानुसार पहिल्या वर्षी 2 कोटी, दुसऱ्या वर्षी एक कोटी, तिसऱ्या वर्षी तीन कोटी तीस लाख, पाचव्या वर्षी तीन कोटी 70 लाख डॉलर्स अशी मदत जागतिक बँक देऊ इच्छिते.

सध्या केरळ राज्याने जागतिक बँकेकडून अशी मदत स्वीकारली आहे. त्याविषयीची कागदपत्रे ही जागतिक बँकेने गोवा राज्य सरकारला अभ्यास अर्थ उपलब्ध केली आहेत.