सरकार स्थापनेसाठी मगोच्या पाठिंब्याला तीव्र विरोध

Goa BJP and MGP: 10 मार्चला गोवा विधानसभा निवडणुकीचा निकाल जाहीर झाला. निकालापूर्वी राजकीय पक्षांमध्ये अनेक हालचाली पाहायला मिळाल्या. यावेळी मगो पक्षाने आपली बाजू स्पष्ट केली होती. यावेळी त्यांनी भाजप (BJP) आणि कॉंग्रेसमधील (Congress) नेत्यांची भेटदेखील घेतली. मगोप कुणाला पाठिंबा देणार हे निकालानंतरच स्पष्ट करणार असल्याचे सुदिन ढवळीकरांनी (Sudin Dhavalikar) सांगितले होते.

दरम्यान, मडकई भाजप मंडळानाने देखील सरकार स्थापनेसाठी मगोचा पाठिंबा घेण्यास तीव्र विरोध करत आहे. सुदिन केवळ स्वत:च्या स्वार्थासाठी सरकारला पाठिंबा देत असल्याचा सुदेश भिंगी यांनी आरोप केला आहे. त्यामुळे पक्षात फुट पडत असल्याचे दिसत आहे. त्यामुळे आता पुढे जाऊन काय निर्णय घेतला जाणार याकडे सर्वांचे लक्ष लागले आहे.

मात्र आता भाजपच्याच काही नेत्यांनी मगोच्या पाठिंब्याची भाजपला गरज नसल्याचे विधान केले आहे. मगोची आम्हाला गरज नाही. माझ्यासह गोविंद गावडे, सुभाष शिरोडकर, मॉविन गुदिन्हो, बाबूश मोन्सेरात यांचा मगोचा पाठिंबा घेण्यास स्पष्ट नकार असल्याचे मत भाजप आमदार रवी नाईक (Ravi Naik) यांनी व्यक्त केल्यामुळे राजकारणात एकाच खळबळ उडालीय.

मात्र यावर मुख्यमंत्री प्रमोद सावंत (Pramod Sawant) यांनी पक्षाची बाजू स्पष्ट केली आहे. ते म्हणाले की, 'मगोला सरकारमध्ये घ्यायचे की नाही याचा निर्णय केंद्रीय नेतेच घेतील. इतर जे सोबत येतील त्यांना घेऊन पुढे जाऊ. केंद्रीय निरीक्षक गोव्यात आल्यानंतर सरकार स्थापनेची पुढील प्रक्रिया सुरू होणार आहे.' बहुमत मिळवून पुन्हा सत्तेत आलेले भाजप मंडळी आता नेमकी काय पावले उचलणार याकडे सर्वांचे लक्ष लागले आहे.