पणजी: मासळी म्हणजे गोमंतकीयांचा जीव की प्राण. मात्र अलीकडच्‍या काही दिवसांत मासळीच्या दरात प्रचंड वाढ झालेली आहे. सर्वसामान्य व मध्यमवर्गीयांच्या खिशाला हे दर परवडणारे नाहीत. मात्र पापलेट किंचित स्‍वस्‍त झाल्‍यामुळे थोडा दिलासा मिळाला आहे. 1200 रुपये प्रतिकिलोवरून दर 900 ते 1000 रुपयांवर आला आहे. पण हा चविष्‍ट मासा नेहमीच सामान्‍यांना वाकुल्‍या दाखवत आला आहे.
आज पणजी मासळी बाजारात बांगडा, तारली, माणकी, समुद्री खेकडे, कर्ली, वेर्ली, कोमेखापी, तिसऱ्या, खुबे, पापलेट, कोळंबी, इसवण व इतर विविध प्रकारची मासळी पुरेशा प्रमाणात उपलब्ध होती. गेल्या आठवड्यात पापलेटचे दर 1200 ते 1400 रुपये प्रतिकिलो होते. मात्र आता त्‍यात घट झाली आहे. बांगडे, तारली, इसवण, कोळंबी यांच्या दरात मात्र कोणतेही बदल झालेले नाहीत. लहान आकाराचे बांगडे 150 रुपये किलो दराने उपलब्ध होते.
दर प्रतिकिलो (रुपये)
तारली 150
बांगडे 150-200
टोकी 100-150
समुद्री खेकडे 200
लेपो 350
कर्ली 350
माणकी 400
वेर्ली 400
कोळंबी 600
पापलेट 900-1000
इसवण 750-800
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
