मडगाव: पिसुर्ले येथील खाणीवरून जी खनिज विक्री झालेली आहे, त्यात मोठ्या प्रमाणावर आर्थिक घोटाळा झाला असल्‍याचा आरोप गोवा फाऊंडेशनचे संचालक क्लॉड आल्वारीस यांनी केला आहे. एकूण 90 कोटींचा माल वेदांता कंपनीला फक्त 10 कोटी रुपयांना विकण्यात आल्याचा आरोप त्यांनी केला.
आज घेतलेल्या व्हर्च्युअल पत्रकार परिषदेत अल्वारीस यांनी हा आरोप करताना या प्रकरणात एसआयटी किंवा सीबीआयद्वारे चौकशी करण्याची गरज व्यक्त केली. याच मालाच्या वाहतुकीला विरोध केल्यामुळे हनुमंत परब यांना मारहाण करण्यात आली होती आणि अन्य आंदोलकांना अटक करण्यात आली होती. मुळातच ही संपूर्ण वाहतूक बेकायदेशीर असून ती करण्यासाठी खाण खाते आणि प्रदूषण नियंत्रण मंडळाने परवानगी कशी दिली याचीही चौकशी केली पाहिजे असे आल्वारीस म्हणाले.
हा खनिज माल लीज क्षेत्राबाहेर उत्खनन करून काढला असल्याने सर्वोच्च न्यायालयाने दिलेल्या आदेशानुसार त्याचा मालकीहक्क राज्य सरकारकडे येण्याची गरज आहे. मात्र सदर माल विकण्यासाठी केल्या जाणाऱ्या वाहतुकीला खाण खातेच ना हरकत दाखला देते. यावरून या बेकायदेशीर व्यवहाराला स्वतः खाण खाते उत्तेजन देते हे स्पष्ट होत आहे. नजीकच्या काळात आणखीही अशी बेकायदेशीर वाहतूक होणार याची माहिती गोवा फाऊंडेशनला मिळाली आहे असे आल्वारीस यांनी सांगितले.
लीज क्षेत्राबाहेर खनिज माल उत्खनन करून काढला असल्याने सर्वोच्च न्यायालयाच्‍या आदेशानुसार त्याचा मालकीहक्क राज्य सरकारकडे येण्याची गरज आहे. मात्र सदर माल विकण्यासाठी केल्या जाणाऱ्या वाहतुकीला खाण खातेच ना हरकत दाखला देते. यावरून या बेकायदेशीर व्यवहाराला हे खातेच उत्तेजन देत असल्‍याचे स्पष्ट होते.
- क्लॉड आल्वारीस
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
