Panaji Noise Pollution Case : 'सनबर्न'वर कृपादृष्टी कोणाची? मुख्य सचिवांची हायकोर्टात कबुली

Panaji Noise Pollution Case : गतवर्षी डिसेंबरमध्ये हणजूण येथे झालेल्या सनबर्न ईडीएम महोत्सवाच्या आयोजकांना परवाने देताना नियमांचे उल्लंघन झाले आहे.

ध्वनी प्रदूषणप्रकरणी १० लाख रुपये सुरक्षा ठेव जप्त, स्पेसबाऊंड वेब लॅब्स प्रा. लि.चे संचालक तसेच परवान्यासाठी अर्ज केलेल्या पराग उके यांच्याविरुद्ध म्हापसा न्यायालयात फौजदारी तक्रार दाखल केल्याची माहिती आज मुख्य सचिव पुनीत गोएल यांनी खंडपीठाला दिली.

सनबर्न ईडीएम महोत्सवावेळी संगीत वाजवण्यासाठी दिलेल्या परवान्यात नमूद केलेल्या डेसिबल्सपेक्षा अधिक क्षमतेने संगीत वाजवून ध्वनी प्रदूषण केल्याची जनहित याचिका राजेश सिनारी याने दाखल केली होती.

या प्रकरणी खंडपीठाने प्रदूषण नियंत्रण मंडळ तसेच पोलिसांना चांगलेच धारेवर धरले होते. मंडळ व पोलिस दोघेही या उल्लंघनाबाबतची जबाबदारी एकमेकांवर ढकलत असल्याने मुख्य सचिवांना अहवाल सादर करण्यास सांगितले होते.

दोषींवर कारवाई झाली का? : ध्वनी प्रदूषणाला

दोषींवर कारवाई झाली का? : ध्वनी प्रदूषणाला जबाबदार कर्मचाऱ्यांवर कारवाई केली का? पर्यटन खात्याकडे १ कोटी रुपये सुरक्षा ठेव रक्कम होती, त्याचे काय? असा प्रश्‍न खंडपीठाने केला असता त्यासंदर्भात चौकशी करून माहिती देऊ असे ॲडव्होकेट जनरल देविदास पांगम यांनी सांगितले.