कर्नाटक व्यापून मॉन्सून मंगळवारी गोव्यातील काही भागांत दाखल झाला आहे. पुढील चार दिवस म्हणजे ६ जून ते ९ जूनपर्यंत राज्यात जोरदार पावसाची शक्यता असून यलो अलर्ट जारी केला आहे.
बुधवारी रात्री राजधानी पणजीसह राज्यातील काही भागांत पाऊस पडला. ९ जूनपर्यंत विजांच्या कडकडाटासह ४० ते ५० किमी प्रतितास वारे वाहण्याची शक्यता आहे. मच्छीमारांनाही किनारी भागात न जाण्याचा सल्ला देण्यात आला आहे. मागील २४ तासांत पणजी, साखळी मुरगाव, म्हापसा आदी भागांत पाऊस पडला.
राज्यात दिवसभरात एकूण ८.२ मिमी पावसाची नोंद झाली असून आतापर्यंत ८.२ मिमी पावसाची नोंद केली आहे. मागील २४ तासांत सर्वाधिक ४९.२ मिमी एवढ्या पावसाची नोंद पणजीत झाली. त्याखालोखाल साखळी १५.२ मिमी, मुरगाव १३.४ मिमी, म्हापसा १२.२ मिमी, वाळपई ८.६ मिमी, दाबोळी ७.२ मिमी, जुने गोवे - ५.६ मिमी पावसाची नोंद झाली.
कोकणात दमदार हजेरी
कोकणात मॉन्सूनने दमदार हजेरी लावली असून, रत्नीगिरी आणि सिंधुदुर्ग जिल्ह्यात पाऊस दाखल झाला आहे. दोन्ही जिल्ह्यांत गेल्या दोन दिवसांत मुसळधार पाऊस झाला. अनेक ठिकाणी पाणी साचण्यासह पडझडीच्या किरकोळ
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.