शेळपे- केपे येथून एक धक्कादायक घटना समोर आलीय. 23 वर्षीय तरुण घरातून नाईटआऊटसाठी बाहेर पडला अन् मध्यरात्री बाहेरुनच मी जीवन संपवतोय असा मेसेज घरच्यांना केला. तेव्हापासून हा तरुण बेपत्ता असून, पोलिस त्याचा शोध घेत आहेत.
मिळालेल्या माहितीनुसार, प्रकल्प प्रशांत गवस देसाई (२३, रा. दामणवाडा, शेळपे) असे या बेपत्ता तरुणाचे नाव आहे. प्रकल्प केपे येथे नाईटआऊटसाठी जात असल्याचे सांगून ईलेक्ट्रिक बाईक घेऊन घराच्या बाहेर पडला. मध्यरात्री अडीच्या सुरमारास त्याने मी आयुष्य संपवतोय असा मेसेज घरच्यांना पाठवला. घरच्यांना प्रकल्प बेपत्ता झाल्याची तक्रार केपे पोलिस स्थानकात दाखल केली.
दरम्यान, सकाळी प्रकल्पची ईलेक्ट्रिक बाईक सावर्डे येथील पुलाजवळ बेवारस स्थितीत आढळून आली आहे.
प्रत्यक्षदर्शींनी दिलेल्या माहितीनुसार, सावर्डे येथील पुलावरुन एकाने पाण्यात उडी घेतल्याचे सांगितले जात आहे. उडी घेतलेला व्यक्ती प्रकल्पच आहे का याबाबत अद्याप खात्रीशीर माहिती समोर आलेली नाही.
अग्निशामक दल व पोलिस घटनास्थळी दाखल झाले असून, पाण्यात उडी घेतलेल्या व्यक्तीचा शोध घेतला जात आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.