![Yellow Alert In Goa](http://media.assettype.com/dainikgomantak%2F2024-05%2Fb84c3da8-6057-476c-933c-4aa3399b3462%2FGoa_Rain.jpg?w=480&auto=format%2Ccompress&fit=max)
गोव्यात हवामान खात्याने यलो अलर्ट जारी केला असून, पुढील दोन दिवस राज्यातील दोन्ही जिल्ह्यात हलक्या ते मुसळधार पावसाची शक्यता वर्तवण्यात आलीय. वेधशाळेने वर्तवलेला अलर्ट 18 मे पर्यंत वाढविण्यात आला असून, नागरिकांना सतर्क राहण्याचे आवाहन करण्यात आले आहे.
हवामान खात्याने दिलेल्या माहितीनुसार, आज (गुरुवारी) पुढील तीन तासांत राज्यातील पेडणे, डिचोली, बार्देश, सत्तरी, वाळपई, साखळी, फोंडा, शिरोडा, धारबांदोडा, केपे, काणकोण, सांगे या भागात वीजांसह किरकोळ ते मध्यम स्वरुपाच्या पावसाची शक्यता आहे.
गेल्या महिन्यात राज्यात अवकाळी पावसाने जोरदार हजेरी लावली, यात राज्यातील विविध जोरदार पाऊस झाला. वादळी वाऱ्यासह झालेल्या या पावसात अनेक ठिकाणी पडझड झाली तर, राजधानी पणजीत विविध भागात पाणी साचले.
नैऋत्य मान्सून 31 मे च्या सुमारास केरळमध्ये दाखल होण्याची शक्यता, भारतीय हवामान खात्याने वर्तवली आहे. मान्सून केरळमध्ये दाखल झाल्यानंतर चार दिवसांनी गोव्यात येत असतो. दरम्यान, तुर्तास याबाबत अंदाज व्यक्त करता येणार नाही, अशी माहिती गोवा हवामान खात्याच्या अधिकाऱ्यांनी दिली आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.